சிறுநகரக் காதல்கள் - 2

உன்னை சைக்கிளில் பின் தொடர்ந்து

நீ படிக்கும் டியூஷனில் சேர்ந்து

உனக்கு முன் கோவிலில் நெய்விளக்கேற்றி

உனக்காக அர்ச்சனை செய்து

உனக்காக ஃபுட்போர்டில் தொங்கி

உன் பெயரை பஸ் சீட்டின் பின்புறம் எழுதி

உனக்காக ரிசல்ட் பார்த்து

உனக்காக ட்ரீட் வைத்து

கேண்டீன் அருகே காதலை சொல்லி

உன் அட்வைஸ் எல்லாம் கேட்டு

ஏதோ ஒரு மியூசிகல்ஸில்

இளைய நிலா பொழிகிறதில் ஆரம்பித்து

நிலாவே வா வில் முடிகிறது

பெருந்திரளான சிறுநகரத்துக் காதல்கள்!

************************************************************************************